🔸 ច្បាប់ជាអ្វី?
ច្បាប់ គឺជាវិធានទាំងឡាយដែលលាយលក្ខណ៍ជាអក្សរ ហើយដែលមានអានុភាពជាទូទៅនិង ជាអចិន្រ្តៃយ៍ដែលស្ថាប័ន ឬអង្គការមានសមត្ថកិច្ចបានអនុម័ត។ តាមន័យចំ ច្បាប់។ គឺជាបទប្បញ្តត្តិដែលសភាបានអនុម័តដាក់ឱ្យប្រជាពលរដ្ឋទាំងអស់ប្រតិបត្តិតាមរហូតមកទាល់តែមានបទប្បញ្ញត្តិថ្មីមកជំនួស កែប្រែ ឬលុបចោលទើបឈប់អនុវត្ត។
🔸 តើច្បាប់របស់ខ្មែរមានប្រភពមកពីណាខ្លះ?
ច្បាប់របស់ខ្មែរមានប្រភពមកពី៖
- ទំនៀមទម្លាប់
- ប្រពៃណី
- សាសនា
- ប្រទេសឥណ្ឌា
- ប្រទេសបារាំង។
🔸 ជំនាញនីតិសាស្ត្រនេះផ្ដោតទៅលើអ្វី?
ការសិក្សាទៅលើជំនាញនីតិសាស្ត្រ គឺផ្តោតទៅការយល់ដឹងទៅលើប្រព័ន្ឋច្បាប់នៅក្នុងប្រទេស យល់ច្បាស់ពី នីតិ ច្បាប់ ច្បាប់ពិសេស បទបញ្ញាតិ្ត វិធានបទដ្ឋានគតិយុត្តនានា ការដាក់ទោសទណ្ឌ ការអនុវត្ត និងការដោះស្រាយទៅតាមនីតិវិធីនៃច្បាប់។ ជារួមគឺផ្តោតទៅលើមុខវិជ្ជាសំខាន់ៗបី គឺ នីតិព្រហ្មទណ្ឌ នីតិរដ្ឋប្បវេណី និងនីតិរដ្ឋធម្មនុញ្ញ។
ការសិក្សាទៅលើជំនាញនេះទាមទារឱ្យប្អូនអានសៀវភៅ ស្រាវជ្រាវអោយបានច្រើន ការរៀនដោយខ្លួនឯងមានប្រសិទ្ធភាពលើសពី៥០%។ ប្អូនគួរត្រៀមខ្លួនជាស្រាច់ក្នុងការរៀបចំខ្លួន៑ឯង ទាំងគំនិត ការគិត ការនិយាយស្ដី ឱ្យក្លាយជាមនុស្សធំ ឬក៏អាចហៅបានថា empathy ព្រោះជំនាញនេះទាមទារការគិតពិចារណាច្បាស់លាស់ មិនលេងសើច ក្នុងការសម្រេចទៅលើទំហំបទលើ្មសក្នុង Study case នីមួយៗ។
🔸 បន្ទាប់ពីសិក្សាជំនាញនេះតើខ្ញុំអាចប្រកបរបរអ្វី ឬធ្វើនៅទីណាបានខ្លះ?
បន្ទាប់ពីបញ្ចប់ការសិក្សាជំនាញនេះប្អូនៗអាចធ្វើការនៅតាមស្ថាប័នរដ្ឋ, នាយកដ្ឋានផ្នែកច្បាប់ អង្គការក្រៅរដ្ឋាភិបាល, និងស្ថាប័នឯកជននានា
- ចៅក្រម
- ព្រះរាជអាជ្ញា
- តំណាងអយ្យការ
- មេធាវី
- ជំនួយការមេធាវី
- ទីប្រឹក្សាច្បាប់
- មន្រ្តីប៉ូលីសយុត្តិធម៌…។ល។