កសិកម្មមានសារៈសំខាន់ណាស់សម្រាប់គ្រប់សង្គមទាំងអស់ព្រោះវាពឹងផ្អែកលើអ្វីដែលដីអាចផលិតបាន ។
តើការសិក្សាកសិកម្មជាអ្វី?
វាគឺជាការបណ្តុះបណ្តាលផ្នែកវិទ្យាសាស្ត្រដែលតម្រូវឱ្យសិស្សសិក្សាមុខវិជ្ជាវិទ្យាសាស្ត្រ បច្ចេកទេស និងធុរកិច្ចជាច្រើនទាក់ទងនឹងកសិកម្ម សាកវប្បកម្ម ព្រៃឈើ ការចិញ្ចឹមសត្វ ផលិតកម្មសត្វ ពេទ្យសត្វ ផលិតកម្មដំណាំ គ្រឿងយន្តកសិកម្ម ការគ្រប់គ្រងកសិដ្ឋាន ការចិញ្ចឹមបសុបក្សី ការចិញ្ចឹមទឹកដោះគោ ជីវបច្ចេកវិទ្យាកសិកម្ម ។ល។
កសិកម្មពិបាកសិក្សាមែនទេ?
ដោយសារកសិកម្មគឺជាវិស័យដ៏ធំទូលាយដែលរួមមានសត្វ រុក្ខជាតិ និងអាហារូបត្ថម្ភ ។ ដូចនេះ មានសិស្សមួយចំនួនតូចដែលចាប់អារម្មណ៍លើមុខវិជ្ជានេះ ។ យុវជនដែលមានមហិច្ឆតាជាច្រើនជឿថា គ្មានអនាគតក្នុងវិស័យកសិកម្ម ដោយសារតែ ប្រាក់ចំណូលតិចតួច និងការងារលំបាក ។
ការសិក្សាផ្នែកកសិកម្មនឹងពិបាកសម្រាប់សិស្សមួយចំនួន ដោយសារពួកគេមិនអាចរៀនទ្រឹស្តី និង ប្រើប្រាស់វាដោយគ្មានបទពិសោធន៍ជាក់ស្តែង ។ ទោះជាយ៉ាងណាក៏ដោយ តាមរយៈការសិក្សាមុខវិជ្ជានេះ និស្សិតមានឱកាសកាន់តែច្រើនក្នុងការអភិវឌ្ឍជំនាញរបស់ពួកគេតាមរយៈកម្មសិក្សានៅបរទេស កម្មវិធីផ្លាស់ប្តូរ និងអាហារូបករណ៍ ។
តើមានការងារបន្ថែមទៀតទេសម្រាប់និស្សិតដែលសិក្សាផ្នែកកសិកម្ម?
មិនមាននិស្សិតកសិកម្មដែលអត់ការងារធ្វើទេ ព្រោះទីផ្សារការងារសម្រាប់និស្សិតដែលមានសញ្ញាបត្រកសិកម្មគឺធំទូលាយណាស់ ។
បើគ្មានវិស័យកសិកម្មទេ នោះក៏គ្មានអាហារ និងគ្មានអនាគតដែរ ។ ដូច្នេះពិភពលោកពឹងផ្អែកលើកសិករដាំដុះដំណាំដែលប្រើសម្រាប់ផលិតអាហារ ។
តើអ្នកត្រៀមខ្លួនយ៉ាងណាមុននឹងសិក្សាផ្នែកកសិកម្ម?
ដោយសារកសិកម្មជាមុខវិជ្ជាវិទ្យាសាស្ត្រ ដូច្នេះអ្នកត្រូវចេះជំនាញវិទ្យាសាស្ត្រដូចជា គណិតវិទ្យា ជីវវិទ្យា គីមីវិទ្យា វិទ្យាសាស្ត្របរិស្ថាន សេដ្ឋកិច្ច ធុរកិច្ច និងការគ្រប់គ្រង ។ ជាទូទៅ វាទាមទារឱ្យសិស្សពូកែទាំង វិទ្យាសាស្ត្រធម្មជាតិ និង វិទ្យាសាស្ត្រសង្គម ។
តើក្រោយបញ្ចប់បរិញ្ញាបត្រកសិកម្មមានការងារអ្វីខ្លះ?
មានការងារជាច្រើនសម្រាប់និស្សិតកសិកម្មដូចជា៖
- ទីប្រឹក្សាកសិកម្ម
- អ្នកគ្រប់គ្រងកសិដ្ឋាន
- អ្នកឯកទេសខាងហ្សែនសត្វ
- អ្នកវិទ្យាសាស្ត្រដីនិងរុក្ខជាតិ
- អ្នកវិទ្យាសាស្ត្រអាហារ
- សាស្ត្រាចារ្យកសិកម្ម
- សេដ្ឋវិទូកសិកម្ម
នេះគឺជាកត្តាមួយចំនួនដែលអ្នកគួរតែពិចារណាជ្រើសរើសជំនាញនេះ
- អាហារូបករណ៍ច្រើនគួរសម ទាំងក្នុងស្រុកនិងក្រៅស្រុក
- ឱកាសការងារក៏មិនណយ (ទាំងរដ្ឋ ទាំងក្រៅរដ្ឋាភិបាល)
- សម្រាប់អ្នកចូលចិត្តដើរលេង បានដើរលេងច្រើន
- សម្រាប់អ្នកដែលស្រលាញ់ធម្មជាតិ បៃតងបៃតងអីនឹងម៉ង
បន្ថែមពីលើនេះ ដើម្បីដឹងថាតើសាកលវិទ្យាល័យណាខ្លះក្នុងប្រទេសកម្ពុជាផ្តល់ការអប់រំផ្នែកកសិកម្ម សូមចូលមើលគេហទំព័រនេះ https://www.sala.co/ ។ មានច្រើនលើសពីអ្វីដែលអ្នកគិត ។