អ្វីទៅជាការស្វែងរកខ្លួនឯង ?
ការស្វែងរកខ្លួនឯង គឺជាសកម្មភាពនៃការស្វែងយល់បន្ថែមអំពីខ្លួនអ្នក និងថាតើអ្នកជានរណា ពោលគឺដំណើរការនៃការសម្រេចបាននូវចំណេះដឹង និងរឿងរ៉ាវដែលពាក់ព័ន្ធនឹងខ្លួនឯង។
ហេតុអ្វីបានជាការស្វែងរកខ្លួនឯងមានសារៈសំខាន់?
ការមានទំនុកចិត្តលើខ្លួនឯង កើតឡើងជាមួយនឹងការទំនាក់ទំនងកាន់តែច្រើនជាមួយខ្លួនអ្នក និងយល់ពីអ្វីដែលអ្នកចង់បានជាពិតប្រាកដ។ នៅពេលដែលអ្នករស់នៅជាខ្លួនអ្នក វានឹងកាន់តែងាយស្រួលសម្រាប់អ្នក ក្នុងការមើលថែ យកចិត្តទុក្ខដាក់លើខ្លួនអ្នក មិនដូចពេលដែលអ្នករស់នៅសម្រាប់អ្នកដទៃនោះទេ វានឹងកាន់តែពិបាកសម្រាប់អ្នកក្នុងទុកពេលមើលថែខ្លួនឯង។
តាមរយៈការស្វែងរកខ្លួនឯង អ្នកនឹងរកឃើញទំនាក់ទំនងកាន់តែស៊ីជម្រៅរវាងអ្នកជានរណា និងអ្នកចង់ក្លាយជានរណា។ តាមពិតទៅ នៅពេលដែលអ្នកមិនដឹងថាអ្នកចង់បានអ្វីពិតប្រាកដនោះ វានឹងធ្វើឱ្យអ្នកវង្វេងក្នុងសុបិនខ្លួនឯង។ នៅពេលដែលអ្នកមិនដឹងថាអ្នកជានរណាពិតប្រាកដ អ្នកនឹងប្រឈមមុខនឹងការធ្វើខុស ហើយអ្នកនឹងបោះបង់វានៅថ្ងៃណាមួយ។
ជាជំនួយដល់សិស្សានុសិស្សដែលនៅតែមានការងឿងឆ្ងល់ ឬនៅស្រពិចស្រពិល អំពីអ្វីដែលពួកគេពិតជាចង់បាន ឬពួកគេជានរណានោះ Sala បានផ្តល់ការធ្វើតេស្តតម្រង់ទិសហៅថា MBIT និង Holland ដែលមានបំណងជួយសិស្សឱ្យស្គាល់ខ្លួនឯង។
និយាយឱ្យខ្លី ការរកឃើញដោយខ្លួនឯងមានសារៈសំខាន់ណាស់សម្រាប់អ្នក ដើម្បីយល់ពីគោលដៅ និងគោលបំណងរបស់អ្នកនៅក្នុងជីវិតឱ្យពិតប្រាកដ។
តើអ្នករកឃើញខ្លួនឯងដោយរបៀបណាខ្លះ?
នេះជា ៦ ជំហានដែលមានប្រសិទ្ធភាព ក្នុងចំណោមវិធីសាស្ត្រផ្សេងៗទៀត ដើម្បីស្វែងរកខ្លួនឯងពិតប្រាកដ៖
១. អង្គុយចុះ រួចស្ដាប់ខ្លួនឯង
២. ត្រូវដឹងថាអ្នកជានរណាពិតប្រាកដ មិនមែនអ្នកចង់ក្លាយជានរណានោះទេ
៣. ស្វែងរកអ្វីដែលអ្នកពូកែ ហើយមិនពូកែ
៤. ស្វែងរកអ្វីដែលអ្នកពេញចិត្ត
៥. សុំមតិកែលម្អ (សួរអ្នកផ្សេងទៀតថាតើពួកគេគិតយ៉ាងណាចំពោះអ្នក)
៦. សាកល្បងរបស់ថ្មី ពេលធ្វើរបស់ចាស់មិនមែនជារបស់ដែលអ្នកចូលចិត្ត
អ្វីដែលអ្នកទទួលបានបន្ទាប់ពីស្គាល់ខ្លួនឯង?
រាល់ការធ្វើដំណើរគឺតែងតែខុសគ្នា ដោយសារយើងម្នាក់ៗមានបទពិសោធន៍ និងទស្សនៈផ្ទាល់ខ្លួនពីទិដ្ឋភាពផ្សេងៗគ្នា។ នេះគឺជាអត្ថប្រយោជន៍មួយចំនួននៃការរកឃើញដោយខ្លួនឯង៖
១. ជួយអ្នកកំណត់គោលបំណង និងគោលដៅរបស់អ្នក
២. ជួយអ្នកកំណត់ការលើកទឹកចិត្តក្នុងជីវិតរបស់អ្នក
៣. ជួយក្នុងការកំណត់អត្តសញ្ញាណ តម្រូវការ និងបំណងប្រាថ្នារបស់អ្នក។
៤. ជួយក្នុងការស្វែងរកចំណង់ចំណូលចិត្តរបស់អ្នក។
៥. កំណត់អត្តសញ្ញាណសុខភាពផ្លូវចិត្តរបស់អ្នក។
៦. ជួយក្នុងការសម្រេចចិត្តអ្វីដែលអ្នកនឹងធ្វើ
៧. ជួយអ្នកឱ្យទទួលស្គាល់ចំណុចខ្លាំង និងចំណុចខ្សោយរបស់អ្នក។